About

Related Posts Plugin for WordPress, Blogger...

මා ප්‍රියාවිය..



27 අදහස්
ප්‍රේමය ගැන කොතරම් නම් කවි ගී බිහිවෙයිද?
කොතරම් නම් කටහඬවල් වලින් විවිධ භාෂාවන්ගෙන් සහ මියැසියන්ගෙන් අප වෙත ඒ ගැන තතු කියාවිද...අද මෙන්ම හෙටත්.
නන්නාදුනන බසකින් වුව පැමිණ හද අමතන තනුවකට අපේ ඇස් බොඳ කරන්නට ඉඩ හරින ප්‍රේමයේ අපූර්වත්වයට සහ ගුප්තබවට මම පෙම් කරමි..

රාහත් නස්රත් ‍ෆතෙ අලි ඛාන් ගායනා කරන "ඔරෙ පියා" ගීයද එවන් සුන්දරත්වයක් සහ අපූර්වත්වයක් කැටි වූ ගීතයක්.
2007 දී තිරගතවූ ආජා නාච්ලේ චිත්‍රපටයටද මෙම ගීය ඇතුළත්.




ඕ මා ප්‍රියාවිය.... ඕ මා ප්‍රියාවිය.......

මගේ උමතු සිත පියඹන්නේ මන්ද.........
මේ ධෛර්ය කොයිබින් පැමිණියේද.....


ඕ මා ප්‍රියාවිය.... ඕ මා ප්‍රියාවිය.......


ඒ මේ අත ඒ මේ අත හමනා සුළඟයි.... හමනා සුළඟයි....
වැහි පොදවත් මෙහි නොපැමිණෙයි........
මුළු ලොවම කුමණ්ත්‍රනයට එක්වී ඇත.....
හැම මොහොතකම බලාසිටින්නෙමි.....


ඕ මා ප්‍රියාවිය.... ඕ මා ප්‍රියාවිය.......

බැල්ම පවසන්නේ .... ලෝකය පවසන්නේ....
හදවතෙහි කතාවයි .. හදවතෙහි කතාවයි.....
ප්‍රේමය අයදින්නේ ප්‍රේමය පතන්නේ යම් කුණාටුවකි....
ප්‍රවේසමෙන් යමු ප්‍රේමය තවමත් නැවුම්...
ඒ අප වූ ප්‍රථම පොරොන්දුවයි.....


ඕ මා ප්‍රියාවිය....
ඕ මා ප්‍රියාවිය....
ඕ මා ප්‍රියාවිය....
ඕ මා ප්‍රියාවිය....


ගිනියම් අඟුරු මතින් ඔබ නිරුවත් දෙපයින් ඇවිද ගියා....
ඔබ නාඳුනන්ගෙන් වෙන්ව මගෙම යැයි හැඟුනි....
ඔබේ දේශය වෙත මා රැගෙන යන්න.....
දුශ්ඨ ලෝකය මගේ සතුරන්ය.....


ඕ මා ප්‍රියාවිය....
ඕ මා ප්‍රියාවිය....
ඕ මා ප්‍රියාවිය....
ඕ මා ප්‍රියාවිය....



27 අදහස්:

දුකා at: 4/12/2010 10:54 AM said...

ෂාහ් හරිම ලස්සනයි විෂ්මි නගේ. . . මේක ගසල් ගීතයක් නේද . . ?? මේ වගේ ගීත වලට මම හරි කැමතියි . .ස්තූතියි මේක දැම්මට . ..

විශ්මි at: 4/12/2010 11:20 AM said...

මේක කව්වාලි සම්ප්‍රදායට ගායනා කරපු ගීතයක් අයියෙ.... ගසල් සංගීතයට නෑකම් කියනවා..... ෆතෙ අලි ඛාන් පරපුර කව්වාලි ගායනයට නම ගිය පරපුරක්.... රාහත් අලි ඛාන්ගෙ තව මේ වගේ ගීත හුඟක් තියෙනවා..... ඉඩ ලැබෙන හැටියට මම දාන්නම් අයියෙ... මේ මගෙත් ප්‍රියතම ගීත වලින් එකක්........ :) ස්තුතියි අයියෙ ගොඩ වැදුනට.....

isimbuwa at: 4/12/2010 12:17 PM said...

මේ ගීතයත් ලස්සනයි.

- නිල් අහස - at: 4/12/2010 12:54 PM said...

මේක මම ආස කරන සිංදුවක්...විශ්මි.
හරිම ලස්සනයි.

පහුගිය දවස් වල කිසිම විවේකයක් නැති වුනා.
මගේ පුංචි බිස්නස් එක වෙන තැනකට shift කරා.
ඉතිං, කෝටියක් වැඩ තිබුනා.
කොහොමද රේවන්..හොදින් නේද..

අද තමයි පොඩි රිලැක්ස් එකක් ලැබුනේ.
මට ගොඩක් පෝස්ට් මග හැරුනා ඒ හන්දා.
පස්සේ ඒ සේරම කියවන්න ඕන.

විශ්මි at: 4/12/2010 1:01 PM said...

@ඉසිඹුව..... ස්තුතියි අක්කෙ.......


@ නිල් අහස... දැක්ක කල් සහෝ.... රේවන් හුඟක් හොඳින් ඉන්නවා.... වැඩ කටයුතු ටික හොඳින් කෙරුනා නම් ඒ ඇති.... ස්තුතියි සහෝ ගොඩ වැදුනට..... හෙමින් සැරේ මඟ හැරුන ඒවා කියවන්නකො.....

punchisamanalee at: 4/12/2010 1:36 PM said...

හරිම ලස්සනයි.....!!! මේ වාගේ ගීත දැන් බිහිවෙන්නේ නෑනේ.... කොයිතරම් මිහිරිද....?
ස්තූතියි විශ්මි අක්කා මේ ගීතය පළ කලාට.....

Ansh Lucky Sri Jay at: 4/12/2010 1:38 PM said...

හරිම ලස්සනයි..!

ගල්මල්-Coral at: 4/12/2010 3:18 PM said...

ලස්සන සින්දුව, පරිවර්ථනයේ දී ලොකු සාධාරණීකරනයක් කර තියෙන්නෙ. ගොඩාක් රස වින්ඳා.

නුස්‍රත් අලි ඛාන් ගේ අභාවයෙන් පසුව ඔහුගේ ඥාතියෙකු ඔහුට ආවේනික ආර ඉදිරියට ගෙනියන්න ඉදිරිපත් වුනත් කෙතරම් සාර්ථක ද කියන්න අමාරුයි. නුස්‍රත් එතරම් දක්ෂතා ඇත්තෙක් විය, විශාල දේහයකින් යුත් ඔහු ද මෙ ගී ගයන්නෙ යැයි සිතුන වාර අනන්තයි.

චේජනා at: 4/13/2010 10:06 AM said...

ශෝක් විශ්මි නංගි, ඔයා හින්දි සින්දුයි ඒවගෙ තේරුමයි දෙකම ගේන නිසා..

යෝගී... at: 4/13/2010 10:21 AM said...

නංගියේ උඹ සංගීතය සම්බන්ධ ව දන්නවා ‍වගේ ගොඩක් දේවල්.. සිංදු කියාගන්න බැරිවුනාට සංගීතය කියන්නේ මගේ ජීවිතේ එක කොටසක්(යෝගියට තමුංගේ ආදරේ හම්බුනෙත් සංගීතය ඉගෙනගන්ඩ ගිහිං කියනවනේ)
විශේෂයෙන් ම ඉන්දියානු සම්භාව්‍ය සංගීතය මාව මෝහනය කරනවා වෙලාවකට..
හාමොනියම් සහ තාල වාද්‍ය භාන්ඩයක් පමණක් ගායකයාගේ හඬ සමඟ මුසුවෙන මේ ගීතයේ ගායකයාගේ කටහඬට සමාන්තරව වි‍ටෙක දිවෙන වස්දඬු රාවයත් කලාතුරකින් මුසුවෙන සාරංගියක හඬත් සමඟ කොපමණ මනෝහාරී ලෙස සංයෝජනය කර තියෙනවද ..

අපූරුයි .. ස්තුතියි ඔබට බොහොමත්ම .

-ජය

විහඟිගෙ සිතුවිලි at: 4/13/2010 8:05 PM said...

අක්කෙ නියම සින්දුවක් මේක. ස්තූතියි.

විශ්මි at: 4/13/2010 9:33 PM said...

@සමනලී / අන්ශ් අක්කා....... ස්තුතියි දෙන්නටම ගොඩ වැදුනට.......



@ ගල්මල්...... ඔව් ඩීන් අයියෙ..... රාහත්ගෙ මාමා උස්තාද් නස් රත් ෆතේ අලී ඛාන් එතුමන් තරමට කව්වාලි ගායනයේ දක්ශයෙක් එතෙක් මෙතෙක් බිහිවී නැති තරම්.... එතුමගෙ ' තෙරෙ බින්' , ' මෙරා ප්‍රියා ගර් ආයා' හරිම ලස්සන ගීත..... ස්තුතියි අයියෙ......



@චේජනා අක්කා....... ඉඩ ලැබෙන හැම වෙලාවකම තවත් ලස්සන සින්දු දෙන්නම් අක්කේ...... ස්තුතියි ඔයාටත්.....




@යෝගි අයියා......... ආරංචියි ආරංචියි සංගීතය දෙහදක් යා කල වග..... :)

සංගීතය මම නම් ඉගෙන ගෙන නෑ අයියෙ.... ඒත් කඨෝර සංගීතයට වඩා හිතට සැහැල්ලුවක් ගේන සංගීතයක් රසවිඳින්නයි මං කැමති මට මතක ඇති කාලෙක පටන්ම... ඒ ඇබ්බැහිය තමයි මේ ටිකෙන් ටික අයියලත් එක්ක බෙදාගන්නෙ.....ස්තුතියි අයියෙ......



@ විහඟි.... ස්තුතියි නඟේ ගොඩවැදුනට.....



සුබම සුබ අළුත් අවුරුද්දක් වේවායි පතනවා සියළු දෙනාටම....... :)

sansarasidu at: 4/14/2010 2:28 AM said...

ගීතය නම් හරිම අපූරුයි !
හැමදාමත් වගේ නංගිගෙ පරිවර්තනයත් ගීතයේ සුන්දරතවයට දෙවැනි නෑ..

ලැබුවා වූ සිංහල, දමිළ අළුත් අවුරුද්ද
විශ්මි නංගිටත්, නලීන්ටත්, පවුලේ සියළු දෙනාටත්
සාමය, සෞභාග්‍යය සපිරි,
සියළු පැතුම් ඉටු වන
සුබ නව වසරක් වේවා !!!

ගල්මල්-Coral at: 4/14/2010 8:27 AM said...

විශ්මි නංගී හා රේවන් මල්ලීටත් පවුලේ සැමටත් සුභ අලුත් අවුරුද්දක් වේවා!

චේජනා at: 4/14/2010 8:50 AM said...

මල්ලි,නංගි, සුබ අලුත් අවුරුද්දක් වේවා... ඔයාටත් ගෙදර අයටත්..

ගල්මල්-Coral at: 4/15/2010 12:43 AM said...

12දා ඊ-මෙල් එකක් යව්වා, එය බලා රිප්ලයි කරන්න.

විශ්මි at: 4/15/2010 7:52 AM said...

සුබ අලුත් අවුරුද්දක් හැමෝටම........... :)



@ ගල්මල්.... මොකක්ද ඩීන් අයියෙ ඊ මේල් එක.......? තේරුනේ නෑනෙ........ :(

විහඟිගෙ සිතුවිලි at: 4/15/2010 9:22 AM said...

අක්කටයි අයියාටයි දෙන්නටම සුබ නව වසරක් වේවා.

විශ්මි at: 4/15/2010 9:25 AM said...

එසේම වේවා නංගියො........ ස්තුතියි සුබ පැතුමට........ :)

සෝරෝ at: 4/15/2010 7:04 PM said...

ප්‍රේමය ගැන කොච්ච‍්ර කවි, සිංදු, කතා තිබුනත් තාමත් වැඩිදෙනෙකුට මේ මොකක්ද කියල අදුරගන්න බැරිවෙලා තියෙනවා නේද..??

-සෝරෝ

විශ්මි at: 4/15/2010 7:20 PM said...

@ සෝරෝ..... ආදරේ අඳුනගන්න නම් ඉතින් ආදරේ කරලම බලන්න වෙනව සහෝ..... හැබැයි ඉතින් ආදරේ හඳුනාගැනීම එකිනෙකාට සාපේක්ශයි..... ස්තුතියි ගොඩ වැදුනට........

``` Outsider``` at: 4/16/2010 9:30 AM said...

ලස්සනයි විශ්මි.. ස්තූතියි වැඩේට..

මිස්සක at: 4/16/2010 9:42 AM said...

අවුරැදුත් පහුවෙලා මේ පැත්තට ඇවිත් සුබ පතන්න එනවට සමාවෙන්න ඕනෙ.
ඒත් ඒක වැඩිය හිතන්න යන්න එපා.

රේවන් සහෝදරයාගෙත්, විශ්මි සහෝදරියගෙත් සියළු බලාපොරොත්තු ඉටුවන, සතුටින් සාමයෙන් පිරැණ, නීරෝගී සුබම සුබ අළුත් අවුරැද්දක් වේවා !

- නිල් අහස - at: 4/16/2010 1:19 PM said...

Raven / විශ්මි /-

ඔයාලා දෙන්නටම...2010 වසරේ උදා වූ... සිංහල, දෙමළ අළුත් අවුරුද්ද.. දෙන්නගේම සියලු, සිතුම්.. පැතුම්.. ඉටුවන, සාමය සතුට ඉතිරුනු, නිදුක් නීරෝගී සුවය රැදුනු... වාසනාවන්ත සුභ අලුත් අවුරුද්දක්ම වෙන්න..කියා පතනවා.

120 ට 220 ක් ආයුබෝ වේවා...

ගල්මල්-Coral at: 4/16/2010 3:55 PM said...

රේවන්: අනික් ගසල් ගීය Upload කරා, විස්තර ඊමේල් කර ඇත.

Raven at: 4/16/2010 6:49 PM said...

@ගල්මල්- ගීතය ලැබුණා අයියේ. මම පිළිතුරු මේල් එකකුත් එව්වා අයියට ගූගල් හරහා.මේ බ්ලොග් එකේ sign in වෙලා බලන්න. බොහොම ස්තූතියි අයියේ ඒ ගීතයත් නියමයි.

විශ්මි at: 4/19/2010 10:06 PM said...

@පිටස්තරයා........ මිස්සක...... නිල් අහස......

ඔයාලටත් සුබම සුබ අලුත් අවුරුද්දක් වේවායි පතනවා.... බොහොම ස්තුතියි සුබ පැතුමට........

Post a Comment

newer post older post